Þetta er nú alveg rosalegt, ekkert blogg eftir að familían flutti til íslands. Mætti ætla að það væri svona mikið að gera, en það er nú öðru nær, þetta er bara leti og ekkert annað. Sko í Drífu ekki mér en svona er lífið og lífið er svona sagði kallinn og hoppaði í sjóinn á eftir álft sem var um það bil að stinga sér í kaf á eftir tíkalli frá seðlabankastjóranum sem hafði misst hana úr vasanum. Hvað geta svona kallar verið að spá í hvar þeir missa sína peninga

lifið heil

Gleðilega páska allir og öll.

Fjölskyldan er þá loksins flutt í kópavoginn!!. Ronja danska er mætt til landsins glöð og sæl. Hennar helsta áhyggjuefni þessa dagana er stefna Frjálslynda flokksins, sem vilja að því sýnist losna við alla útlendinga, Ronja kýs ekki F. Já til Dikku, skórnir pössuðu fínt. Nú er sem sagt búið að pússa og olíubera parketið, spartla í loftin og flytja búslóðina inn. Allir sváfu vel í nótt, fyrstu nóttina.

Lifið heil.

Þetta er nú hálflélegt, enginn nennir að blogga lengur. En, ég er í útlandinu, sálfræðingurinn í vinnu á íslandinu og drengirnir einnig í sinni vinnu á klakanum. Ég settist að hjá Guðjóni hinum gula og Dikku hjúkku, því það var svo leiðinlegt í Herning og líka svo skemmtilegt hjá þeim. En á morgun fer ég aftur til íslandsins og verð fram yfir páska og afmæli.

Íbúðin er alveg að komast í afhendingu og því verður líklega málað og spartlað á næstu dögum og svo vonandi flutt og sofið í nýju íbúðinni í Kópavoginum á allra næstu dögum.

Lokaverkefnið er á áætlun, eða svo vona ég og allt bara ágætt.

Lifið heil.

Es, Ronja hin eðaldanska er svo væntaleg úr einangrun feit og fín á fimmtudaginn.

Erum nú komin til Íslands, útiveru fjölskyldunnar lokið. Nema hjá Þórði sem brátt snýr aftur til Þórhildar drottningar.

Húsnæði er í sigtinu í kópavogi, drengirnir ánægðir í skólanum og á æfingum, Sálfræðingurinn er orðinn sálfræðingur og farinn að vinna sem sálfræðingur. Námsmaðurinn að fara að vinna í maí...

 Lifið heil

Jæja gott fólk.

Nú get ég ekki orða bundist.

Hér hefur bara snjóað og snjóað síðan á miðvikudagskvöld og bara allt hefur fyllst af snjó. Við héldum náttúrulega bara eins og venjulegir Íslendingar að lífið myndi halda áfram þrátt fyrir allan snjóinn en því var nú öðru nær. Hér fór bara allt lífið á hold. Í fyrsta lagi var öllum skólum á Aarhus svæðinu lokað á fimmtudag vegna snjóa og á föstudag var ekki gert ráð fyrir kennslu og foreldrum ráðlagt að hafa börnin heima. En það er nú bara fjör fyrir krakkana.

En á fimmtudag hringdi ég í mesta sakleysi í Eimskip sem kemur með gáminn minn langþráða, og spurði hvort að bíllinn sem gámurinn kæmi með væri nokkuð voðalega stór þar sem að frekar þröngt væri í hverfinu sökum snjóa. Þá fékk ég nú þau svör að þeir hefðu nú ekki keyrt út gáma í tvo daga og þyrfti nú ekki að gera ráð fyrir því að gámurinn kæmi á morgun, en ég gæti hringt og athugað. Ekki gott.En svo var hringt á föstudagsmorgun og sagt að gámurinn kæmi ekki og þar sem þeir keyra ekki út hér í Danmörku um helgar mætti ég eiga von á gámnum í fyrsta lagi á mánudag. Frekar súrt. Og nú er gámurinn sem sagt ekki kominn, en ég fékk hringingu núna áðan frá honum Torben gámaflutningabílstjóra og hann er með gáminn minn. Hann ætlar að koma með hann klukkan 6 á mánudagsmorgun og þá er málið leyst.  

Þá bara skellum við öllu draslinu í gáminn og þrífum svo íbúðina á mettíma þegar það er búið og allt gengur upp. En sökum snjóa hefur þvottavélin mín sem ég keypti í Aalborg ekki komist til mín þar sem við áttum að fá hana á föstudaginn snjóamikla. En þeir sem keyra út þar hringdu og ætla að koma með vörunar um leið og það verður fært á milli Aalborg og Aarhus, og það verður vonandi á mánudag. Auðvitað bjargast þetta allt saman.

En á meðan við bíðum eftir gámnum höldum við bara áfram að pakka inn húsgögnum og pakka ofan í kassa. Ekki mikið eftir til að pakka en nóg að pakka inn.

Hafið það gott.

Kveðja úr snjónum

Drífa

Ég fattaði það það morgun að það er frekar óþægilegt, að sitja í lest, og heyra að síminn hringir stanslaust inni í klefanum hjá lestarstjóranum, án þess að hann svari.
Fyrsta sem kom upp í hugann var að oftast mætast lestirnar á stöðum þar sem tveir teinar eru og því lítil hætta á ferðum, næst mundi ég eftir nokkrum myndum af lestarslysum og komst að því að oftast eru fremstu vagnarnir alveg í klessu. Flestir dauðir eða mikið slaðaðir. En þar sem klukkan var sjö um morgun og ég frekar þreyttur reyndi ég að hugsa ekki meira um þetta. Nema síminn bara hringdi látlaust. Eins gott að ég sat aftast...

Svo fór ég bara í próf, og það gekk bara fínt.

Og þaðan á fund og svo heim.

Annars allt fínt héðan, pökkum fjölgar og fjölgar,

ES, það fjölgar ekki bara pökkum, heldur líka snjókornum á götum.

Lifið heil.

Jæja, gott fólk, nú er hellingur kominn í kassa, tölvan fær þó að vera eitthvað lengur uppi við. Von er á gámnum á föstudaginn og nú þarf að fara að safna í lið til að bera út í gáminn góða.

Próf á morgun í Research methodology í Herning og svo fundarhöld fram eftir degi vegna lokaverkefnis. Og svo er ég tilbúinn í að aðstoða Sála meira.

Strákarnir farnir að verða spenntir yfir því að kveðja vini sína. Það verður erfitt. Já það verður erfitt fyrir alla að yfirgefa allt þetta góða fólk hér í Danaveldi. En það góða er að maður getur alltaf skroppið í heimsókn. Jú og svo lítur út fyrir að við fáum marga gesti á næstunni.

Lifið heil.

Dagarnir koma og dagarnir fara
dumbir og blindir, án spurninga og svara.
Lítilla sanda og lítilla sæva
líða í kringum mann þúsundir æva.

(Jóhannes úr Kötlum)

Þessi frétt birtist á mbl.is í morgun.

 "Mildi var að rúðan var lárétt þegar hún lenti á höfði stúlkunnar, þá var húfan með húfu og í góðri úlpu svo hana sakað ekki."

Spurt er hvar fær maður góða úlpu á húfu?

Lifið heil.

Ótal drauma blíða, bjarta
barstu, vorsól, inn til mín.
Það er engin þörf að kvarta,
þegar blessuð sólin skín.
(Stefán frá Hvítadal)

 Sælt veri fólkið

Um daginn var klassefest hjá Kristleifi eins og fram hefur komið á blogginu og þar var limbókeppni (sem ekki var rætt um á blogginu). En í þessari limbókeppni voru Kolbeinn og einn annar bekkjarfélagi Kristleifs voru tveir eftir í lokin, alveg jafngóðir. Og þess vegna voru kosnir tveir limbókóngar, Kolbeinn og Alexander.

Þannig að á þessu heimili búa tveir kóngar, Limbókóngurinn Kolbeinn og Diskókóngurinn Kristleifur. Og svo er Ronja að sjálfsögðu prinsessan á heimilinu.

Og ég og Þórður erum eðalforeldrar. 

KvDrífa

Ekki fékk ég nú mikil viðbrögð við síðustu hugmynd og því er hún Mæja prinsessa óseld. En sá frábæri leikmaður D. Beckham er víst seldur til USA, en hann skoraði nú samt fyrir RM í gær. Mikið var það gott á þennan hrokafulla ítala hr. Capello.

Fyrir helgi hélt sáli tvo afmæli, fyrst fyrir Kolbeinn tæplega mánuði fyrir tímann (12. mars) og svo Kristleif helling fyrir tímann (5. apríl). Það var sem sagt fullt hús af 7-9 ára guttum hér fimmtudag og föstudag. Allt fór friðsamlega fram og enginn þeirra dó, af ánægju út að eyrum hver einasta kerling hló.

Lifið heil.

Nú er ég kominn með rosalega viðskiptahugmynd. Hugmynd sem allir helstu fjárfestar á Íslandi munu falla fyrir. En eins og allir vita hafa íslendingar keypt magasín, merlin, sterling, og hin og þessi fyrirtæki i danmörku, nú svo ekki sé minnst á fótboltaliðin tvö í englandi, stoke og west ham. Nú er málið að kaupa Mary, krónprinsessu, sem kostar víst ekki nema 12 milljarða danskra króna. Kannski svolítið dýr, en að mínu mati mjög fýsilegur fjárfestingarkostur, þó ekki væri nema vegna þeirra staðreyndar að hun gæti alið af sér fleiri álíka verdmæta einstaklinga, ( þegar einn kominn ) á mjög svo hagstæðan hátt. Þannig gæti þessi fjárfesting á nokkrum árum skilað sér margfalt til baka, fjórir, fimm eðalbornir einstaklingar ca. 3-4 milljarða hver. Fyrir utan aðrar tekjur. Skothelt dæmi.

Annars fjölgar kössum nú daglega, Sálfræðingurinn staflar þeim hugvitsamlega í hvert horn og hvern kima í húsinu.

Allir kátir, ætli það sé snjór á Íslandi?

Hér er allavega daginn mjög farið að lengja, styttist í vorið. Þá er gaman.

Lifið heil.

Jæja, þá vorum við að koma heim frá keppni í fótbolta.

Báðir drengirnir voru að keppa, sem betur fer á sama stað, Kolbeinn í morgun og svo Kristleifur eftir hádegi.

Við fórum öll af stað í morgun og sáum Kolbein keppa sem gerði eitt jafntefli og tapaði einum. Og svo keyrðum við Þórð í lestina um hádegisbilið því hann þurfti að fara í skólann. Og svo þurftum við að mæta í höllina aftur klukkan eitt svo Kristleifur gæti spilað sína leiki. Og viti menn ég rataði að sjálfsögðu ekki til baka aftur. Ég komst reyndar í bæinn þar sem keppnin var en ég fann ekki höllina aftur. Strákarnir voru farnir að tala um svona tæki sem segir manni til vegar sem hægt er að hafa í bílum og hversu nauðsynlegt það væri fyrir okkur að eiga svoleiðis, sérstaklega þegar ég væri að keyra. Ég var nú ekki sammála þessu og vippaði mér útúr bílnum og spurði eina góða konu til vegar og við komumst á leiðarenda á réttum tíma. Við þurfum sko ekkert á svona tæki að halda. En Kristleifur spilaði þrjá leiki, og töpuðu þeir einum og gerðu tvö jafntefli. Voru bara ansi seigir bræðurnir.

En nú erum við bara að undirbúa kveðju afmæli fyrir strákana á fimmtudag og föstudag í næstu viku. Við erum búin að fá kræsingar sendar frá Íslandi til að halda veislurnar, íslenskt nammi, flatkökur og hangikjöt þannig að þetta er allt að verða klárt.

En svo  er bara að halda áfram að pakka, og það gengur bara ágætlega.

Bið að heilsa í bili.

Kv

Drífa

Nú verður ekki skrifað meira um handbolta á þessu bloggi. En stóru fréttirnar eru auðvitað þær að nú er verðandi sálfræðingurinn orðinn sálfræðingur. Til lukku með það Drífa frá okkur strákunum.

Annars er allt fínt, kössunum fjölgar dag frá degi og brátt verður allt kössum. Eða innpakkað tilbúið til flutnings. Á meðan er rembist ég við að hnoða saman eins og einni ritgerð.

Fínt að sitja í lestinni 3 tíma á dag og lesa.

Góð þessi græna lest.

Jæja, ekki gekk óskin eftir, en hvað er hægt að segja eftir svona leik. Eitt er víst, strákarnir stóðu sig rosalega vel. Ég er stoltur af þeim. Eiginlega tapaði enginn í þessum leik. En jú danir unnu. Heppnin var með þeim

Lifið heil.

Það fór auðvitað þannig að um leið og við keyptum snjóþotu fyrir strákana þá ruddist helv.. rigning inn í veisluna. Ekki nóg með að snjórinn yrði hundfúll yfir þessum yfirgangi heldur fór hann í fússi og hefur ekkert til hans spurst.

Á morgun er svo stóra stundin;

Áralöng þjálfun og reynsla, ásamt metnaði, dugnaði og þrautseigju, ferðalögum, flutningum verður lögð á vogarskálarnar. Verður allt þetta metið að verðleikum og mun allt þetta duga?

Já ég á nú von á því, enda var þetta ágæt ritgerð hjá stelpunni og einkunnin örugglega vel viðunandi.

Á morgun er svo stóra stundin;

Áralöng þjálfun og reynsla, ásamt metnaði, dugnaði og þrautsegju, ferðalögum, flutningum verður lögð á vogarskálarnar. Verður allt þetta metið að verðleikum og mun allt þetta duga?

Já ég á nú von á því, enda munu strákarnir eiga sinn besta leik og vinna danina sem eru að springa úr spenning yfir því að geta mætt Rússum eða Pólverjum.

En vissulega munu þeir dönsku mæta Rússum eða Pólverjum en það verður bara í keppni um sæti fimm til átta.

Lifið heil.